Престон Лајонс загуби од Пелистер во Битола (Видео)

Фудбалерите на Пелистер денеска во Битола славеа минимална победа над австралискиот Престон Лајонс со 1-0, во нивниот втор пријателски дуел на македонско тло.

Средбата понуди повеќе борба отколку шанси, а пресуден момент беше ситуацијата во второто полувреме кога еден гостински фудбалер играше со рака во својот шеснаесетник. Ударот од белата точка прво го одбрани голманот на Престон, но на одбиената топка реагираа домашните и постигнаа гол за конечни 1-0.

Ова за Престон беше прв пораз во Македонија, откако пред два дена во Скопје го совладаа Вардар со убедливи 4-2. Според најавите, австралискиот состав во следните денови ќе одигра уште еден пријателски натпревар, овојпат во Охрид.