Веќе е планиран датум за враќањето на Роналд Араухо во игра, пишува “Марка”. Како што е познато, дефанзивецот последен пат игра против Челси на 25 ноември, кога неговиот тим загуби со 0:3 во меч од Лигата на шампионите, а потоа беше исклучен и падна во психички крах.
Според “Марка”, се планира Араухо да започне со тренинг со тимот по Божиќните празници – на 29 декември, и потенцијално да биде на располагање на тренерот на Барселона, Ханзи Флик, за градското дерби со Еспањол на 3 јануари, што ќе биде првата средба за новата година.
Како екраните влијаат на детскиот развој? Разговор со дефектолог
Араухо се врати минатата недела од своето патување до Израел, каде што се обидуваше да се опорави од психичкиот крах кој го доживеа по натпреварот против Челси. Патувањето до Светите земји му се одрази многу добро. Араухо е многу побожен човек и побара духовно прибежиште во Ерусалим и други места значајни за христијанството. Неговото закрепнување оди во одличен правец.
Фудбалерот планира да ги помине Божиќните празници во Уругвај, што исто така може да биде значајно за неговото закрепнување. Да биде со неговите најблиски на такви посебни денови, исто така ќе помогне за подобрување на неговата психичка состојба.
По неговата депресија Араухо следеше индивидуален специфичен тренинг план за да ја одржи својата физичка форма и да се придружи на групата во што е можно подобра состојба. Централниот дефанзивец е важен дел од плановите на Ханзи Флик.
Учество во игри на среќа е дозволено за лица со 18+ години. Играј одговорно!