Познато е кога Барселона ќе ја плати клаузата на Нико Вилијамс

Барселона на 1 или 2 јули ќе ја активира ослободувачката клаузула во договорот на Нико Вилијамс со Атлетик Билбао.

Иако сè со самиот играч веќе е договорено, Каталонците ќе чекаат уште една недела, бидејќи сакаат трансферот да влезе во сметководството за следната финансиска година, која започнува токму на 1 јули.

Нико Вилијамс ќе биде играч на Барселона уште за почетокот на предсезонската подготовка, која започнува на 13 јули, иако можеби тој ќе добие малку подолг одмор поради обврските со репрезентацијата на Шпанија во Лигата на нациите. Ова важи и за другите репрезентативци во тимот на Ханзи Флик.

Барселона сè уште се обидува да договори со Атлетик клаузата од 58 милиони евра да биде платена со рати, а не одеднаш. Според „Мундо Депортиво“ тоа сепак изгледа тешко остварливо со оглед на односите меѓу двата клуба. Поради тоа на „Камп Ноу“ се подготвени да ја платат и целата сума.