Постекоглу „јавно“ удри по фудбалерот на Тотенхем: Тоа е неприфатливо!

Тренерот на Тотенхем, Анге Постекоглу, беше многу незадоволен од тоа што Тим Вернер го покажа на натпреварот против Ренџерс. Фудбалерот од германската репрезентација го извади веќе на полувреме и наместо него го внесе Дејан Кулушевски, стрелец за конечните 1:1. Постекоглу зборуваше за Вернер на прес-конференцијата.

За само 45 минути, Вернер 16 пати го изгуби поседот, не излезе како победник во ниту од еден од петте дуели, а успешно заврши само 69 проценти од своите додавања. “Не беше ни блиску до нивото на кое требаше да биде”, изјави тренерот на Тотенхем пред новинарите по натпреварот.

“Тој е германски репрезентативец. Во ситуацијата во која се наоѓаме, немаме многу опции. Барам од сите да дадат барем максимум. Неговата изведба во првиот дел беше неприфатлива”, додаде Постекоглу и откри дека разговарал со него на полувремето. 

На прашањето како Вернер ја прифатил критиката, тренерот на Тотенхем рече: “Не знам и не ми е важно. Сакам сите да придонесуваат. Немаме баш ширина во тимот и затоа е потребно поискусните играчи да го одработат својот дел. Од младите барам многу, а поискусните треба да им помогнат. На овој натпревар не беше така.”