Тенисот повторно испиша својата историја со уникатен рекорд, кога беше одигран натпревар од најстарите тенисери досега во светот, според нивните заеднички години. Настанот се одржа на Светското првенство за ветерани во Бол, Хрватска.
Американецот Артур Линд и Австралиецот Хенри Јанг станаа најстарите противници во историјата на тенисот со нивниот натпревар. Јанг има 102 години, додека Линд е 97-годишен, што значи дека нивната комбинирана возраст изнесува 199 години.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Меѓународната тениска федерација (ITF) го потврди овој нов рекорд преку објави на социјалните мрежи.
Двајцата се соочија во четвртфиналето на ITF Светското првенство за играчи над 90 години. Помладиот тенисер Линд ја однесе победата со 6:1 и 6:2.
Овој натпревар не само што се издвојува по годините на натпреварувачите, туку е и пример за силата и истрајноста на овие двајца спортисти кои заедно им покажаа на сите дека тенисот е повеќе од игра – тоа е начин на живот.
Ќе посетиме, Хенри Јанг го привлече вниманието на пошироката јавност и во 2023 година, кога стана првиот тенисер со сто години што учествувал на ITF турнир на Мајорка.
Учество во игри на среќа е дозволено за лица со 18+ години. Играј одговорно!