Поранешен прв тенисер во светот го открива главниот проблем на Ѓоковиќ

Поранешниот француски тенисер Никола Мау мисли дека ја знае главната потешкотија на Новак Ѓоковиќ.

Ѓоковиќ моментално минува низ некои од најтешките мигови во кариерата, бидејќи на четири од последните пет турнири испаѓаше во првиот меч.

Последен пат го победи Матео Арналди во второто коло на турнирот во Мадрид, така што Новак има само два одиграни меча на земјена подлога пред Рим и Ролан Гарос.

„Мислам дека е невообичаено и неочекувано што Ноле не успеа да се крене уште, но сигурен сум дека ќе го направи тоа на Ролан Гарос. Сигурно ќе биде многу подобар веќе во Рим, за две недели“, изјави Мау, пренесува „Л’Екип“.

Проблемот за Ѓоковиќ е што во Париз нема да биде меѓу првите четворица носители, така што веќе во четвртфиналето може да се сретне со некој како Синер или Алкараз, како што беше случај во Австралија.

„Овој пат ризикува да влезе во проблеми уште од четвртфиналето, па не знам дали тогаш ќе има потребна сила да одигра на највисоко ниво три меча по ред“, додаде Французинот, некогаш прв тенисер на светот во двојки.

Фотографија: Принтскрин