Погба е блиску до враќање во игра

Тренерот на Монако, Ади Хутер, потврди на денешната прес-конференција дека плејмејкерот Пол Погба нема да биде дел од составот за претстојното дерби со Ница, и дека најверојатно ќе се врати на терен против Анже на 18 октомври по паузата за националните тимови.

“Погба сè повеќе влегува во форма. Нашата цел беше да биде во составот за натпреварот со Ница, но можеби е малку рано. Најверојатно ќе биде во акција следниот натпревар против Анже по паузата. Се надевам дека ќе биде во тимот. Тој сè уште учествува само во дел од тренинзите. Како што претпоставувате, ова одзема време, но се приближуваме до неговото враќање. Беше со нас во соблекувалната во последните натпревари, ги охрабруваше играчите, даваше совети на младите. За време на паузата сигурно ќе има полн интензитет на тренинзите, се обидуваме да го оптоваруваме постапно, и веројатно ќе игра 15-20 минути против Анже,” додаде Ади Хутер.