Репрезентативецот на Холандија и еден од најдобрите млади играчи во Европа, Чави Симонс, одлучи дека сака нов предизвик и сигнализираше до РБ Лајпциг дека ќе бара трансфер ова лето.
Како што пренесува угледниот Фабрицио Романо, 21-годишниот Симонс веќе ја информирал управата на Лајпциг за својата желба да ја промени средината, иако клубот неодамна го искористи правото да го откупи и да го потпише на подолг период.
Учиме по најтешкиот пат: Со едукација за заштита и спасување до спречување на трагедии! ↓↓↓
РБ Лајпциг во јануари го откупи Симонс од Пари Сен-Жермен за околу 50 милиони евра, но сега би можел да заработи значителен профит од неговата продажба, бидејќи интерес за младиот играч доаѓа од повеќе европски гиганти.
Баерн, Јунајтед и Ливерпул во трка
Симонс оваа сезона во Бундеслигата постигна 10 голови и 8 асистенции на 32 натпревари, а неговата разновидност, брзина и техничка способност го прават идеално решение за клубовите кои бараат креативна моќ во средниот ред.
За сега во прв план се издвојуваат Баерн Минхен, Манчестер Јунајтед и Ливерпул, но со оглед на неговиот профил, се очекува листата на заинтересирани уште повеќе да се прошири, вклучувајќи ги и клубовите од Ла Лига и Серија А.
Учество во игри на среќа е дозволено за лица со 18+ години. Играј одговорно!