Реал Мадрид остана на врвот на шпанската Ла Лига откако забележа заслужена победа од 2:1 против Барселона во рамките на десетото коло од Примера.
Кралевите беа поодлучни и подобри во текот на поголемиот дел од натпреварот, но средбата беше обележана со голема конфронтација при крајот, каде главни актери беа Ламин Јамал од една страна и Винисиус Жуниор од друга.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Јамал влезе во конфликт со Камавинга и Винисиус, а ситуацијата дополнително ја налути Дани Карвахал, кој иронично го советуваше младиот играч на Барса да „молчи“, потсетувајќи го на неговите тврдења за тоа како Реал победува со помош на судиите.
По натпреварот, се огласи и соиграчот на Јамал, Рафиња, кој отворено го критикуваше младиот фудбалер на својот тим.
„Несомнено е дека е виновен поради младоста и недостигот на зрелост да размисли пред да каже нешто такво. Неговите зборови му дадоа на Реал Мадрид дополнителна мотивација,“ изјави бразилецот за ДАЗН.
Реал Мадрид остана на чело на табелата на Ла Лига и сега има пет поени повеќе од второпласираната Барселона. Во следното коло, Реал ќе ја пречека Валенсија, додека Барселона ќе го нагости Елче.
Учество во игри на среќа е дозволено за лица со 18+ години. Играј одговорно!