По неколку дена молк: Вaн Дајк проговори зa иднината нa Сaлaх вo Ливeрпул

Kапитенот на Ливерпул, Вирџил ван Дајк, истакна дека е решен да го увери Мохамед Салах да остане на „Енфилд“ и по јануарскиот трансфер период.

Тој јасно стави до знаење дека неговите разговори со Салах се насочени кон тоа да го убеди да остане, при што исто така му даде пофалби на Слот за решавање на тешката ситуација.

Египќанецот се врати во тимот на Ливерпул во саботата и стана играч со најмногу постигнати голови и асистенции за еден тим во Премиер лигата.

Тимот на Ливерпул со победата се искачи на шестото место, но сè уште има голем заостаток од десет бода зад лидерот Арсенал.

По натпреварот, Салах изврши почесен круг со солзи во очите, а многумина веруваат дека се прости засекогаш од навивачите на Анфилд.

Сепак, Ван Дајк е решен да го убеди неговиот долгогодишен соиграч да остане во Ливерпул.

„Разговарам со него за сè. Му кажав дека сакам да остане. Би сакал да го имам близу себе бидејќи е еден од најдобрите.

И покрај тоа, факт е дека тој ќе оди на АФКОН. Ќе бидеме во контакт во наредните денови и недели, како и секогаш, и на крајот ќе видиме.

Му посакувам сè најдобро и да се врати. Се надевам дека ќе го направи тоа, но немам контрола врз тоа.

Се надеваме дека ќе биде успешен таму и сите се надеваме дека ќе се врати и ќе биде важен дел од тимот до крајот на сезоната.

Од друга страна сите знаеме фудбал и немаме поим што ќе се случи. Тој е многу важен за нашиот тим, но во оваа ситуација постојат повеќе страни.”