Од Мадрид пристигнуваат обвинувања дека Барселона наводно му исплаќала речиси 8-9 милиони евра на поранешниот потпретседател на Шпанскиот арбитражен комитет, Хосе Марија Енрикез Негреира, во текот на две децении, без реални докази дека тие извештаи биле некогаш користени од тренерите на Барселона.
Перес тие тврдења ги претстави како “нешто што не би требало да биде нормално” во сериозниот фудбал и сугерираше дека тоа влијаело на интегритетот на шпанскиот фудбал.
Како екраните влијаат на детскиот развој? Разговор со дефектолог
Сепак, на вратата на ресторанот Лас Љавес во Марчамалу, непосредно пред традиционалната директорска вечера пред натпреварот за Копа дел Реј против Гвадалахара, Лапорта ја прекина тишината и возврати остро и со доза иронија.
“Претходно имаа барцелонитис, но сега тоа е веќе акутен барцелонитис. Изгледа дека таа болест е вградена во срцата на Мадриѓаните”, рече Жоан Лапорта.
Лапорта дополнително порача дека таквиот напад е јасен знак дека Реал Мадрид и неговиот претседател се повеќе загрижени за Барселона отколку за сопствените спортски резултати.
Според неговите зборови, Реал Мадрид се фокусира на ривалите наместо да се занимава со работи кои треба да ги заангажираат, како формата на тимот под водство на Чаби Алонсо.
“Тоа дури ни одговара. Бидејќи ако постојано зборуваат за нас, значи дека се повеќе загрижени за нас отколку за она што би требало да ги загрижува”, изјави Лапорта пред новинарите дополнувајќи дека Барселона не го загубила фокусот: “Нашата цел овде е да играме фудбал и да оставиме добар впечаток”.
Учество во игри на среќа е дозволено за лица со 18+ години. Играј одговорно!