Панатинаикос објави детали по операцијата на Лесор

Целата Европа беше потресена од вчерашните сцени од ОАКА арената каде што Панатинаикос ја победи Басконија.

Резултатот падна во втор план, бидејќи овој натпревар ќе остане запаметен по тешката повреда на центарот на клубот од Атина, Матијас Лесор, кој денес беше испратен на хируршка интервенција.

По операцијата, се огласи и клубот на Лесор.

„Матијас Лесор имаше успешна операција во болница утрово на 20 декември, за да се санира повредата на неговата лева нога. Операцијата ја изврши клупскиот лекар, хирург Атанасиос Конидис.

Лесор доби фрактура на фибулата за време на вчерашниот натпревар против Басконија. Целото семејство на Панатинаикос е со Матијас и му посакува брзо закрепнување,“ стои во официјалното соопштение на Панатинаикос.