Oдбиена жалбата на Јувентус: Интер останува шампион во сезоната 2005/2006

Жалбата на Јувентус за враќање на титулите во Серија А од сезоната 2005/2006 и официјално е одбиена.

Италијанскиот државен совет отфрли уште еден обид на „Старата дама“ да ја оспорат одлуката со која на тимот му се одзема титулата во 2006 година.

Јувентус испрати жалба во која беа обвинети Италијанската фудбалска федерација, Интер и Италијанскиот олимписки комитет. Судот одлучи дека истата е неоснована и титулата на крајот му беше доделена на Интер.

Сезоната 2005/2006 Јувентус ја заврши со рекорден 91 бод во првенството, меѓутоа поради учество во корупциски скандал во италијанскиот фудбал познат како „Калчополи“ беше дисквалификвуан и му беше одземена титулата.