Ова никој не го очекуваше, Рашфорд е број 1 во Европа

Маркус Рашфорд на најдобар можен начин ја искористи повредата на Рафинја и во последните недели ги оправда очекувањата на каталонската јавност, што го потврдуваат и бројките.

Англичанецот е најефикасниот играч во тимот на Ханси Флик, со шест голови и девет асистенции. Истовремено, Рашфорд е и најдобриот асистент во „лиги на петте“ со седум асистенции во Ла Лига. 

Во Премиер лигата, најдобрите со по три асистенции се – Антоан Семењо, Жоао Педро и Бруно Фернандеш. Во Бундеслигата, најдобрите асистенти се Луис Диаз, Узун од Ајнтрахт и Ромуло Кардзо од РБ Лајпциг, колку што имаат и Нико Паз и Франко Димарко во Серија А. Најблиску до Рашфорд со две асистенции помалку е Реалов Арда Гулер, кој има пет. На крајот, во Лига 1, по четири асистенции имаат Кебал од Париз и Кореа од Лил.

Вистина е дека овој параметар нема да биде клучен во одлуката на Барселона да го откупи Рашфорд, бидејќи Ханси Флик од него очекува уште поголема ангажираност во пресингот и дефанзивната игра, во која токму синоќа во Виго беше подобар од досега. 

Но, јасно е дека во Барселона немаат причина да не го откупат Рашфорд за само 30.000.000 евра.