Во Буенос Аирес во петокот беше продолжено судењето на медицинскиот тим обвинет за смртта на фудбалската легенда Диего Марадона.
На првото рочиште светот, а пред сè семејството, беше шокиран од фотографиите кои ги прикажа обвинителот Патрисио Ферари во судницата.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Ништо помалку стресно за семејството не беше ниту на второто рочиште каде сведочеа медицинските експерти.
Резултатите од обдукцијата првпат беа објавени во јавноста, и беше потврдено дека Марадона починал од акутен едем на белите дробови и срцева болест.
„Срцето на Марадона беше тешко речиси двојно повеќе од нормално срце“, сведочеше форензичарот Маурицио Касинели. Тој додаде дека водата во белите дробови на Марадона се собирала „најмалку десет дена“ пред да настапи смртта, што „можело да предизвика агонија“ најмалку 12 часа пред смртта.
„Лекарите и медицинските сестри кои се грижеа за него требале да го забележат тоа“, рече Касинели кој има 36 години искуство и над 8.000 извршени обдукции.
Учество во игри на среќа е дозволено за лица со 18+ години. Играј одговорно!