Официјално: Потврден најголемиот трансфер во јануари – 75 милиони евра!

Манчестер сити го заврши трансферот што им дава дополнителна надеж дека можат до титулата оваа сезона. 

Од денеска е и официјално, Антоан Семењо е нов фудбалер на „граѓаните” и на сметката на Борнмут се исплатени 75.000.000 евра, што дефинитивно е најголемиот трансфер во овој преоден рок. 

Од својот поранешен клуб се прости на уникатен начин, со гол против Тотенхем во продолжението за победа од 3:2. 

„Го следев Сити во последната деценија под водство на Пеп Гвардиола и беа доминантен тим во Премиер лигата, со тоа што постигнаа неверојатни успеси во Лигата на шампионите, ФА купот и Лига купот. Поставија највисоки стандарди и тоа е клуб со играчи од светска класа, врвни услови и еден од најголемите тренери на сите времиња – Пеп.

Имам огромен простор за напредок, така што доаѓањето во овој клуб, во оваа фаза од мојата кариера, е совршено за мене. Голема е привилегија да бидам тука.

Сигурен сум дека мојот најдобар фудбал допрва претстои. А Сити е во одлична позиција – сè уште е во игра во четири натпреварувања. Навистина верувам дека можам да им помогнам да имаат силна втора половина од сезоната.

Етихад е мојот нов дом. Едвај чекам да играм пред навивачите овде и се надевам дека ќе им покажам на сите што можам“, се претстави Семењо.