Официјално: Ханзи Флик во Барса до 2027

Тренерот на Барселона Ханзи Флик официјално го потпиша новиот договор со каталонците. Договорот ќе биде до јуни 2027 година.

Претходниот договор на Германецот со Барселона беше до летото 2026 година, а новото согласување го продолжува договорот за дополнителни 12 месеци. Според информациите, клубот сакал продолжување за подолг период, но желбата на Германецот била за пократок договор и можност за преоценка на ситуацијата во 2027 година.

Флик ја презеде каталонската екипа минатото лето, и по Хенес Вајсвајлер и Удо Латек тој е третиот Германец што е на чело на „блауграна“. Во дебитантската сезона тој ја освои титулата во Ла Лига, Купот на кралот и Суперкупот на Шпанија, а неговиот тим импресионираше со својот убав фудбал. Германскиот специјалист победи во 43 од 54-те натпревари, што претставува 73% успешност, што е најдобро за првата сезона од времето на дебито на Луис Енрике, кој постигна 83%.