Европската ракометна федерација (ЕХФ) ги соопшти имињата на клубовите кои следната сезона ќе бидат дел од најсилната клупска конкуренција – Лигата на шампионите.
Меѓу избраните се најде и македонскиот шампион Еурофарм Пелистер, кој и третпат по ред ќе биде дел од ракометната елита. Битола повторно ќе има можност да ужива во врвен ракомет и дуели со најдобрите екипи од Стариот континент.
ТОП 11 МАКЕДОНСКИ ЈАВНИ ЛИЧНОСТИ - *Football Edition*
Покрај битолскиот колектив, вајлд-карти за настап во Лигата на шампионите добија и реномираните екипи на Келце (Полска), ПИК Сегед (Унгарија), Нант (Франција), Колстад (Норвешка) и ГОГ Гудме (Данска).
Шеширите за ждрепката ќе бидат познати в среда, а самата ждрепка за формирање на групите е закажана за петок и ќе се одржи во австриската престолнина Виена.
Новата сезона во најелитното ракометно натпреварување започнува на 10 или 11 септември.
Учество во игри на среќа е дозволено за лица со 18+ години. Играј одговорно!