Oфицијално: Потврден датумот за натпреварот Македонија – Косово!

Како и што се очекуваше натпреварот помеѓу Македонија и Косово е закажан за на 4. јуни и тогаш би требало да се игра со публика.

Натпреварот требаше да се игра на 26. март меѓутоа поради пандемијата на коронавирусот овој натпревар се одложи. Се најавуваше дека ќе се игра на почетокот на јуни, сега добивме и потврда за точниот датум.

Финалето во Лигата на Нации во кое се надеваме и веруваме дека ќе играме ќе се игра на 9. јуни во Белорусија или Грузија во зависност од тоа која држава ќе се пласира.

Македонија и Косово ќе играат на Арената „Тодор Проески“ во Скопје.