Oфицијално: Поранешениот селектор на Италија нов тренер на Пандев во Џенова

Поранешниот селектор на Италија Чезаре Прандели од денес и официјално е нов тренер на Џенова.

Џенова за која настапува македонската фудбалска икона Горан Пандев вчера го отпушти Иван Јуриќ после серијата лоши резултати. Ситуацијата во еден од најстарите италијански клубови кулминираше со вчерашниот пораз од третолигашот Ентела во италијанскиот куп.

Денес официјално во клубот е претставен Чезаре Прандели.

„Многу сум мотивиран и со нетрпение чекам да започнам со тренинзи и натпревари“, прокоментира Прандели на претставувањето.

Прандели во својата кариера како тренер ги водеше Парма, Рома, Фиорентина, репрезентацијата на Италија, Галатасарај и Валенсија.