Новогодишната ноќ ја помина во затвор, а сега пронајде нов клуб

Одбранбениот играч Рубен Семедо пронајде нов клуб, но за жал неговиот потенцијал беше уништен од неговото однесување надвор од теренот.

„Семедо е насилник“, оваа реченица би била сосема доволна за оние кои ги читале претходните текстови за овој португалски фудбалер.

Меѓутоа, неговата приказна очигледно продолжува и покрај неговите кривични дела направени во земјите каде што престојувал.

Рубен Семедо од денеска официјално е нов фудбалер во редовите на второлигашот од Катар, Ал-Маркијa. Шанса за деби ќе има веќе во петок, 14 март, во натпреварот против Ал-Месаимеера.