Искусното српско крило Дарко Ѓукиќ повторно се сели во македонскиот ракомет, но овојпат ќе го носи дресот на Охрид, а не на некој од скопските клубови, јавува специјализиранио ракометен портал „Балкан Хендбол“.
По настапите за Вардар и Металург, 29-годишниот Ѓукиќ ќе го засили охридскиот тим кој најавува амбициозен проект за следната сезона. Тој доаѓа од романскиот шампион Динамо Букурешт, со кој минатата сезона настапуваше и во Лигата на шампионите.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Дарко Ѓукиќ е производ на школата на Железничар од Ниш, а во својата богата кариера настапуваше и за Бешикташ, Келце, Мешков Брест и Спортинг Лисабон, пред да се врати во Вардар.
Со неговото пристигнување дополнително ќе се засили конкуренцијата на десната крилна позиција во тимот на Охрид, каде веќе се Словенецот Гал Цирар и домашниот ракометар Наум Костов.
Фото: Денис Дуковски / РК Вардар 1961
Учество во игри на среќа е дозволено за лица со 18+ години. Играј одговорно!