Нов трејд во НБА: Богдановиќ се пресели во Лос Анџелес

Атланта Хокс го испратија Богдан Богдановиќ и дури три пика од втората рунда во Лос Анџелес Клиперси за Теренс Мен и Баунс Хајланд.

За триесет и двегодишниот Богдановиќ ова ќе биде третиот НБА тим во кариерата, по Атланта, настапуваше и за Сакраменто Кингс.

Во тековната сезона играше многу послабо од претходните, постигнувајќи само десет поени, 2,8 скока и две асистенции по натпревар, со многу лоши 37 проценти на шут од игра, за 25 минути на паркетот.

Последниот натпревар за Хокси го одигра на 26 јануари и веќе долго време се очекуваше да биде разменет, а Атланта воедно се ослободи и од крилото Диандре Хантер, кој отиде во Кливленд Кавалирс.

Богдановиќ сега треба да им помогне на Клиперси да се пласираат во плејофот, а се очекува да биде еден од значајните играчи во тимот.