Новак Ѓoковиќ е најголемиот шампион во историјата на завршниот Мастерс и од него, како што најверојатно и заслужува – ќе зависи кој ќе ја комплетира најдобрата осумка во Торино оваа есен. Постојат два начини на кои Ноле може да има влијание.
Седум учесници се веќе познати, се бара осмиот.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Првиот начин е овој. Феликс Оже-Алијасим нема обезбедено виза за Италија, но нема да игра оваа недела во Мец и ќе проба да го оствари тоа. По поразот во финалето во Париз, одлучи да се повлече и сите надежи ги остави во рацете на Ѓokовиќ.
Неговиот единствен ривал во трката што води во Иналпи арената, Лоренцо Музети, мора да ја освои титулата во Атина, каде што ќе игра оваа недела, а таму е и Новак. Со други зборови, ако Србин го оправда статусот на прв носител и го освои трофејот, во Торино ќе оди Канаѓанецот. Се разбира, под Акрополис се можни и поинакви сценарија, но ако може да избере во чии раце да ја стави својата судбина, Феликс сигурно би го избрал Новак.
Постои уште едно сценарио кое и Музети и Оже-Алијасим ги води под Алпите и тоа се однесува на најдобриот на сите времиња. Ѓokовиќ сѐ уште не потврдил дека ќе игра во Торино, ако одлучи да го прескокне овој турнир како минатата година, на Мастерсот ќе одат и двајцата, без оглед на резултатите.
Учество во игри на среќа е дозволено за лица со 18+ години. Играј одговорно!