Европската куќа на фудбалот (УЕФА) ги објави своите финансиски извештаи за минатата година. Вкупните приходи изнесуваат околу пет милијарди евра, што е значително повеќе од претходната година.
Поточно, станува збор за зголемување од 736 милиони евра. Најважна ставка е реформата на европските купови, бидејќи приходот од нив изнесува 4,4 милијарди евра, што е зголемување од 690 милиони евра.
До кога ќе дишеме отровен воздух!? | Уште еден поткаст
Од ова зголемување голема корист имаат и клубовите. Финансиските исплати на клубовите достигнаа 3,4 милијарди евра, што е 400 милиони евра повеќе од претходната сезона.
„Дополнително, ја потврдивме нашата посветеност на играта со отстапување на 10% од нашите бруто приходи од натпреварувањата за солидарни исплати. Од овој износ, 308 милиони евра се доделуваат на клубовите кои не учествуваат во европските натпреварувања – што претставува зголемување од 76% во споредба со претходната година – со дополнителни средства кои се дистрибуираат на клубовите елиминирани во квалификациите. Дополнителни 25 милиони евра се користат за поддршка на Младинската лига на шампиони и натпреварите на женските клубови – стои во соопштението на УЕФА.
Учество во игри на среќа е дозволено за лица со 18+ години. Играј одговорно!