Вчерашниот натпревар помеѓу Атлетико Мадрид и Барселона ќе влезе во историјата поради одличната игра на домашниот тим, кој им ја одржа лекцијата на Каталонците и победи со 4:0 во првиот натпревар од полуфиналето на Кралскиот куп.
И покрај неочекуваниот резултат, натпреварот не помина без контроверзии. Веднаш по започнувањето на второто полувреме, во 52-та минута, ВАР поништи гол на Кубарси. На ВАР му беа потребни повеќе од седум минути за да ја провери спорната ситуација, а не беше јасно дали стоперот на Барса беше во офсајд. По натпреварот, CTA (Техничкиот комитет на судии) потврди дека полуавтоматскиот систем за офсајди во тој момент не функционирал исправно.
До кога ќе дишеме отровен воздух!? | Уште еден поткаст
Одличниот фудбалер на Барселона, Френки Де Јонг, по натпреварот на „СпортиТВ“ остро го критикуваше инцидентот: „Тогаш видов слика која јасно покажува дека не беше во офсајд. Сликата што ја прикажаа на ТВ не го прикажуваше точниот момент кога Фермин ја шутна топката. Се гледа слика како Фермин шутира додека дефанзивецот беше на метар од Левандовски.“
Деко призна дека „денес не беше прашање дали има или нема. Беше прашање на интензитет. Знаевме дека Атлетико има тим со одлични играчи, се подобрија со зимските засилувања, а ние не пристапивме кон првото полувреме како што требаше.“
Учество во игри на среќа е дозволено за лица со 18+ години. Играј одговорно!