Неверојатен инцидент во рингот доведе до страшен нокаут на ММА иконата (Видео)

Познатиот бразилски борец Вандерлеј Силва претрпе тежок нокаут по борбата со поранешниот боксер Ачелино Фрејтас.

Неверојатни сцени се случија во сабота во Сао Пауло. Во рингот се најдоа две боречки легенди од Бразил. На една страна беше поранешниот WBO и WBA шампион на светот Ачелино Фрејтас, а на другата ММА иконата Вандерлеј Силва.

Сѐ заврши хаотично. Наместо егзибициски меч, дојде до целосна тепачка внатре во рингот.

Жестокиот Силва започна со нелегални удари на што противникот се жалеше. Набргу загуби бод после удар со глава на противникот, па беше дисквалификуван, што пак предизвика незапаметоно лудило.

Тимовите на двата борци се најдоа во рингот. Следеше тепачка каква што не е видена досега.