Неста доби отказ, Монца има нов тренер

Италијанскиот клуб Монца од денеска и официјално има нов тренер.

По поразот од Јувентус во последното коло од италијанската Серија А, клупата на Монца ја напушти актуелниот тренер на тимот Алесандро Неста, а за негов наследник беше промовиран Салваторе Бокети.

По 17 одиграни натпревари, хитот од минатата сезона во Серија А е последен на табелата со само 10 освоени бодови, што значеше дека е време за тренерска смена.

Пред Монца, Бокети ја водеше Верона, а договорот го потпиша до летото 2027 година. Негова апсолутна цел ќе биде да го остави овој тим во елитата.