Не се задржа долго: Бразилецот Вилијан експресно го напушти Олимпијакос

Искусниот бразилски фудбалер Вилијан слободен е да избере нова средина откако само по четири месеци во Олимпијакос го раскинал договорот со грчкиот клуб, потврдено е од Пиреја.

Фудбалерот кој остави најголема трага во дресот на Челси пристигна на стадионот „Караискакис“ на почетокот на септември, потпишувајќи договор со актуелниот освојувач на Лигата на конференции до крајот на сезоната.

Четиримесечниот престој во атинското пристаниште сепак нема да го памети по блескави денови, бидејќи во 11 натпревари во сите натпреварувања не постигна ниту еден гол.

Последните два натпревара во лигата не беше во составот на Олимпијакос, а на терен беше последен пат виден на 12 декември во дуелот против Твенте во Лига Европа.

Сенка на неговиот престој во Пиреја фрли и повредата поради која го немаше во составот поголемиот дел од минатиот месец, а уверливо најдобрата партија ја одигра пред неколку недели против Волос каде забележа асистенција.

Бидејќи во август наполни 36 години, јасно е дека тешко во европскиот фудбал ќе издејствува долгорочен договор, па во изборот на нова средина ќе мора да се задоволи со нешто послаби услови.