Навивачите на Манчестер јунајтед најавија протест пред дербито со Арсенал

Фудбалерите на Манчестер Јунајтед во недела од 17:30 часот ќе го пречекаат Арсенал во Премиерлигата.

Покрај овој важен натпревар, Јунајтед ќе се соочи со дополнителен предизвик – незадоволството на навивачите. Веќе подолго време, приврзаниците на Јунајтед се гневни поради начинот на кој се управува клубот, а нивното незадоволство кулминира со најавениот протест.

Навивачката група „The 1958“ повика сите фанови да се приклучат на протестниот марш пред стадионот „Олд Трафорд“. Како симбол на нивното незадоволство, тие ќе носат црна облека, испраќајќи јасна порака кон управата на клубот.

Манчестер јунајтед во моментов се наоѓа на 14. место во лигата и е далеку од борбата за позициите кои водат во европските натпреварувања.