Во мега-скандалот вмешана и ѕвезда на Галатасарај, веднаш бил исфрлен од репрезентацијата!

Голем скандал ја погоди турската фудбалска сцена. По отворањето на истрага против 371 судија, сега се суспендирани и 1.024 фудбалери.

Станува збор за широка истрага за обложување, а пред неколку дена претседателот на Фудбалската федерација на Турција потврди дека од тие 371 судии — кои се сите активни во турската фудбалска пирамидa, 152 активно се обложувале.

Меѓу нив се наоѓаат и седум судии од елитната конкуренција, односно кои суделе натпревари во турската Суперлигата.

Истата истрага сега е проширена и на фудбалерите — повеќе од 1.000 играчи се суспендирани. Меѓу нив како најпознато име се издвојува 25-годишниот фудбалер на Галатасарај и турската репрезентација, Ерен Елмали.

São 1.024 os jogadores suspensos no escândalo de apostas na Turquia, sendo um deles da seleção – Eren Elmali, do Galatasaray.

Federação suspendeu terceira e quarta divisões por duas semanas e pediu uma janela excepcional de transferências para os clubes cobrirem seus elencos. pic.twitter.com/4KRLlaMEjp

— Leonardo Bertozzi (@lbertozzi) November 11, 2025

Тој, на Инстаграм, призна дека пред пет години уплатил облог за натпревар во кој не играл неговиот тим за кој тогаш настапувал.

Суспендирани се и цели натпреварувања. Имено, третата и четвртата лига во Турција се прекинати и ќе има пауза од две недели, додека трае истрагата. Во меѓувреме, натпреварите од првиот и од вториот ранг ќе се одвиваат нормално, како што биле и закажани.

Во истрагата се вмешани и претседателот на прволигашот Ејупспор, како и поранешен сопственик на Кашмпиаша кои веќе биле испрашани од властите.