Македонската женска ракометна репрезентација денеска го започнува Европското првенство кое ќе се игра во Австрија, Унгарија и Швајцарија.
Ова европско првенство ќе биде прво на кое ќе учествуваат 24 репрезентации, а тие ќе се натпреваруваат во шест групи. Натпреварите ќе се играат во Дебрецен, Базел и Инсбрук, титулата ја брани Норвешка која ги освои последните две првенства.
Данска vs. Македонија: Како тие се справуваат со отпадот, додека ние се расправаме кој е крив?
За Македонија ова ќе биде седмо учество и го обезбедивме со второто место во групата со Шпанија, Литванија и Азербејџан. Треба да се спомене дека по подолго време успеавме да се натпреваруваме на две европски првенства по ред.
Турнирот го започнуваме против Шведска и тоа денеска од 20:30 часот. Во наредните денови не чекаат натпревари со Турција на 30-ти исто така во 20:30 часот и на 2 декември кога ќе се соочиме со домаќинот Унгарија од 18:00.
Во вчерашните изјави пред првенството македонскиот селектор Кристијан Грчевски, но и нашата најдобра ракометарка Сара Ристовска порачаа дека Македонија најмногу шанси за победа во групата гледа во дуелот со Турција од второто коло.
Учество во игри на среќа е дозволено за лица со 18+ години. Играј одговорно!