Нани го прекина пензионирањето, се очекува пристигањето и на Пјаниќ

Нани, португалскиот фудбалер, реши да стави крај на двегодишното пензионирање и повторно да се врати на теренот.

Поранешниот играч на Манчестер Јунајтед, кој е на прагот на петтата деценија од животот, потпиша едногодишен договор со казахстанскиот клуб Актобе. Овој договор е само еден од многуте планирани засилувања за клубот.

Се очекува дека во Актобе ќе пристигне и поранешниот репрезентативец на Босна и Херцеговина, Миралем Пјаниќ, кој по заминувањето од московскиот ЦСКА минатата година нема нов ангажман.

Да се потсетиме, 39-годишниот Нани во својата кариера настапуваше за Спортинг, Манчестер Јунајтед, Фенербахче, Лацио, Валенсија, Орландо Сити, Венеција, Мелбурн, Адана и Естрела. Тој освои меѓу другото и еднаш Лигата на шампионите и четири пати Премиер лигата. Цетири години помладиот Пјаниќ играше за Мец, Лион, Рома, Јувентус, Барселона, Бешикташ, Шарџа и ЦСКА, и четири пати го подигна трофејот наменет за најдобриот во Серија А.

✅ Официјално: Луис Нани потпиша со Актобе!

🇵🇹 39-годишниот португалски крилен играч потпиша едногодишен договор со Актобе, враќајќи се во професионалниот фудбал за да игра во Казахстанската премиер лига

💰 Се претпоставува дека поранешниот играч на Манчестер Јунајтед ќе заработи околу 800 илјади долари како плата pic.twitter.com/o4tEU2xJky

— Kazakhstan Football 🇰🇿 (@Kazakh_Footy) 25 јануари 2026