На Островото се прошири приказна: Гигант тајно преговара со Халанд

Норвешкиот напаѓач има договор со Манчестер Сити до јуни 2034 година, но во Англија тврдат дека друг европски великан тајно преговара со него.

Името на Ерлинг Халанд повторно се поврзува со Реал Мадрид. Напаѓачот на Манчестер Сити е една од главните мети на Флорентино Перез, но неговото доаѓање не е така едноставно.

Проблемот е што Норвежанецот има договор со англискиот клуб до 2034 година, па Реал Мадрид би требало да вложи огромни средства за да го заврши неговото потпишување.

Меѓутоа, во последните часови повторно се појавија гласини за можен трансфер на одличниот напаѓач во Реал Мадрид. Поранешниот извршен директор на Астон Вила Кит Вајнес изнесе шокантна вест во подкастот „Inside Track“ на „Football Insider“.

„Се шират гласини дека Реал Мадрид разговара со неговиот агент, а моментално само го прашуваат: ‘Ако дадеме понуда, мислите ли дека ќе биде заинтересиран?’ И тоа не е неразумно… и покрај неговиот голем договор, може да се постигне договор“, рече поранешниот директор на Астон Вила.