Новиот фудбалер на Милан, Лука Модриќ, кажа на промоцијата во новиот клуб дека „росонерите“ мора да се борат за трофеи и дека седумкратниот првак на Европа не смее да биде задоволен само со пласман во Лигата на шампионите.
Играчот од средниот ред неодамна потпиша двегодишен договор со Милан, а сега изјави дека едвај чека да ги запознае новите соиграчи.
Дејан Димовски: Скопје троши 700 литри вода дневно по жител | Уште еден поткаст ↓↓↓
„Милан е еден од најголемите клубови на светот. Не смееме да бидеме задоволни со просечна сезона или само со пласман во Лигата на шампионите. Мојот поглед кон Милан е амбициозен, но истовремено и реален, мораме да работиме напорно за да го вратиме клубот на врвот. Минималната цел е играње во Лигата на шампионите, но Милан мора да се бори за трофеи. Тоа е мојата цел и тоа мора да биде целта на сите во клубот“, рече Модриќ.
Хрватскиот фудбалер изјави дека Милан отсекогаш му бил омилен клуб во Италија.
„Раснев со италијанскиот фудбал, Милан секогаш ми бил омилен клуб во Италија и беше многу популарен во Хрватска, особено затоа што тука играл мојот идол Звонимир Бобан. Отсекогаш имав посебна врска со црвено-црните бои“.
Учество во игри на среќа е дозволено за лица со 18+ години. Играј одговорно!