Модриќ го убеди еден од најдобрите да дојде во Милан: „Стар пријателе, те чекам!“

Веќе во првите месеци во дресот на Росонерите стана јасно дека Милан не доби само уште еден искусен играч, туку вистински лидер. Лука игра фантастичен фудбал и стигнуваат пофалби за него од сите страни.

Сепак, влијанието на Модриќ не завршува само на теренот. Според извештаите од Италија, хрватскиот играч од средниот ред активно учествува и во планирањето на иднината на клубот, користејќи го своето огромно име и углед во светот на фудбалот.

Така, се зборува сѐ погласно за можниот доаѓање на Серхио Рамос во Милан. Наводно, Модриќ веќе го контактирал поранешниот соиграч и голем пријател од дните во Реал Мадрид, со идеја нивната успешна соработка да продолжи и во Италија.

Модриќ и Рамос заедно обележаа една ера на Реал, освојувајќи многу трофеи и градотејќи однос заснован на доверба, победнички менталитет и врвна професионалност. Токму тоа се вредностите кои Милан сака да ги зајакне во својата соблекувална.

Доколку дојде Рамос, Милан би станал поблиску до Скудето. Одбраната на Милан сигурно би била уште посилна, а планот е искусниот Шпанец да остане до крајот на сезоната, односно на шест месеци.

Наводно, Рамос веќе се согласил, сега се чекаат конкретни разговори за да се заврши трансферот. 39-годишниот во моментов е член на мексиканскиот Монтереј, но сѐ погласно се зборува дека се враќа во Европа.

Ноќва на полноќ му завршува договорот со Мексиканците, така што е слободен играч и сега може да ги разгледа понудите.