Капитенот на хрватската репрезентација и најтрофејниот играч во историјата на Реал Мадрид, Лука Модриќ, синоќа го одигра својот последен натпревар за кралскиот клуб во соочувањето со ПСЖ (0:4).
Во текот на 13-те сезони што ги помина во Реал, Модриќ успеа да освои сè што може да се освои, стекнувајќи дури 28 трофеи и станувајќи најтрофејниот играч во историјата на овој славен клуб.
Вардар, Работнички, Силекс, Шкендија – Кој ќе блесне во Европа!? ↓↓↓
Со своето однесување и исклучителна фудбалска интелигенција, техника и визија, тој успеа да ги освои срцата на навивачите и стана симбол на клубот.
Носејќи го дресот на Реал, Хрватот освои шест титули од Лигата на шампионите, четири првенства на Шпанија, две титули во Купот на кралот, пет шпански Суперкупа, пет европски Суперкупа, пет Светски клупски првенства и еден Интерконтинентален куп.
Во дресот на Реал Мадрид, Модриќ има постигнато 597 настапи, со 43 гола и 95 асистенции.
Интересно е што тој стана најстариот играч што одиграл натпревар за Реал, најстариот играч што постигнал гол и најстариот играч што асистирал за мадридскиот клуб.
Според сите достапни информации, очекува се дека наскоро ќе потпише договор со италијанскиот Милан.
Учество во игри на среќа е дозволено за лица со 18+ години. Играј одговорно!