Лука Модриќ се збогуваше со обожавателите на Реал Мадрид откако ја одигра својата последна средба на „Сантјаго Бернабеу“. Помина низ „шпалирот“ што му го приредија соиграчите, ја напушти тревнатa површина во 85. минута од натпреварот против Реал Сосиедад, со овации од трибините и благодарност од обожавателите за сè што направил за клубот од неговото пристигнување во 2012 година.
Капитенот на мадридскиот гигант ќе одигра уште неколку натпревари за клубот, но далеку од навивачите кои вчера беа присутни на стадионот. Ќе ги одигра во Соединетите Американски Држави каде што од 14 јуни до 13 јули ќе се одржи Светското клупско првенство. Тоа ќе му биде можност да ја збогати својата богата ризница со освоени трофеи, додавајќи го 29-тот во дресот на Реал.
Последно коло - кој шампион, кој во ЛШ, кој со награди на Fantasy!? ↓↓↓
Вчерашниот натпревар му беше 591-ти за Реал. При збогувањето со навивачите, избра и омилена средба што ја одигра на Бернабеу. Станува збор за натпреварот од осминафиналето на Лигата на шампионите во 2022 година. Реал Мадрид беше поразен со 0:1 во Париз против ПСЖ во првиот натпревар, а потоа губеше со 0:1 и во Мадрид. Сепак, со хет-трикот на Карим Бензема, остварија вкупна победа од 3:2 на патот кон титулата. Модриќ шест пати ја има освоено Лигата на шампионите со Реал Мадрид.
Фото: Grok Ai
Учество во игри на среќа е дозволено за лица со 18+ години. Играј одговорно!