Модриќ е како вино – веќе постави рекорд во Серија А

Хрватскиот фудбалер Лука Модриќ (40) во второто коло од Серија А, во победата над Лече, имаше прв конкретен учинок во дресот на Милан.

Модриќ ја постигна својата прва асистенција во новиот клуб, а според статистичарите, го собори рекордот.

Имено, со 39 години и 354 дена стана најстариот асистент на натпреварите во Серија А од сезоната 2004/05, од кога се бележат статистички резултати на играчите.

Модриќ е, а и овој податок го кажува тоа, глобален феномен.

Никој не останува рамнодушен кон неговата долговечност, квалитет и класа. Како вино е. Годините минуваат, а Лука сè уште е мајстор.

„Со Модриќ на теренот, кој е шампион и извонреден човек, сè е полесно. Во првото полувреме игравме долги пасови, во второто вариравме. Тоа беше убава победа против добриот Лече. Направивме чекор напред. Не само затоа што не примивме гол, туку се подобривме во многу фактори. Екипата остана активна 95 минути, покрај двата поништени гола. Во некои ситуации можевме подобро, мораме да се подобриме, но сè уште сме на почетокот. Ова е секако првиот чекор за сезоата”, рече по натпреварот тренерот на “росонерите” Масимиљано Алегри.

Фотографија: Принтскрин