Многумина го критикуваа, но Нејмар застана на страната на Роналдо

Пред десетина дена, Кристијано Роналдо привлече големо внимание со изјавата дека фудбалот во Саудиска Арабија е подобар од францускиот, а сега во тој став му се придружи и Нејмар.

Двете најголеми ѕвезди на саудиската Професионална лига го делат истиот став, а тоа е дека шампионатот таму е подобар од француската Лига 1, традиционално нарекувана една од “лигите од петорката”.

Роналдо заради таа изјава буквално го „распнаа“ познати Французи, а стана и мета на критики од шпанската Ла Лига, која се пошегува на негова сметка.

Така, Адил Рами му порачал дека „зборува глупости“, а Емануел Пети му порача дека „понекогаш е подобро да молчи, отколку да каже нешто глупаво“.

Сепак, постојат и оние кои мислат исто како Роналдо. Така, неговиот колега од саудискиот шампионат Нејмар го поддржа овој став.

🚨🇸🇦 Нејмар за CNN: „Се согласувам со Кристијано. Денес, мислам дека Саудиската лига е над Лига 1“.

„Нивото на Саудиската Професионална лига се зголемува, и играчите се исто така подобри“.

„Но, Лига 1 има свои предности. Тоа е шампионат со многу висок квалитет. Го знам добро тоа“. pic.twitter.com/XDgO4ZOADA

— Фабрицио Романо (@FabrizioRomano) 7 јануари 2025

“Се согласувам со Роналдо. Мислам дека денес саудиската Про лига е подобра од Лига 1. Нивото на саудискиот фудбал расте, играчите се подобри, но и Лига 1 има свои предности. Тоа е натпреварување од висок ранг и јас добро го познавам”, кратко изјави Нејмар за лигата во која моментално настапува во интервју за CNN.

Иако го фали саудискиот фудбал, исто така изгледа дека Нејмар наскоро ќе ја напушти оваа лига. Се чини дека многу брзо ќе стане нов играч на американскиот Интер Мајами и ќе се обедини со старите соиграчи Лионел Меси и Луис Суарез.

Нејмар веќе купил земјиште на атрактивна локација во Мајами и нема намера да има само епизодна улога во Интер Мајами, туку сака да го помине животот токму во Флорида.