Миовски се враќа во Шкотска – потпиша договор со Ренџерс

Шкотскиот фудбалски великан Глазгов Ренџерс официјално објави дека постигнал договор со македонскиот репрезентативен напаѓач Бојан Миовски, кој потпиша четиригодишен договор и ќе стане дел од еден од најтрофејните клубови на Островот.

По една неуспешна сезона во редовите на Жирона во шпанската Ла Лига, каде што не доби доволно простор да го покаже својот потенцијал, Миовски повторно се враќа во Шкотска – земја каде што претходно остави силен белег настапувајќи за Абердин.

Во дресот на Абердин, македонскиот голгетер играше од 2022 до 2024 година, при што постигна дури 44 погодоци и стекна статус на еден од најопасните напаѓачи во шкотското првенство.