Македонскиот фудбалски репрезентативец Бојан Миовски би можел да добие нов предизвик во германскиот фудбал, откако интерес за него покажале две екипи од Бундеслигата.
Иако во последните недели се шпекулираше дека е можно враќање во Шкотска, поточно трансфер во редовите на Селтик, сепак шкотските медиуми сега најавуваат дека Фрајбург и Хамбургер, кој по пауза се врати во елитата, го следат 24-годишниот напаѓач.
Вардар, Работнички, Силекс, Шкендија – Кој ќе блесне во Европа!? ↓↓↓
Миовски изминатата сезона ја мина во шпанската Жирона, но таму не остави посебен впечаток. Запиша вкупно 25 настапи во сите натпреварувања, но само 11 пати беше стартер, при што успеа да постигне четири погодоци.
Сосема поинаква беше неговата улога во дресот на Абердин, каде што беше еден од најзабележителните голгетери во шкотската Премиер лига со 44 погодоци на 98 одиграни натпревари.
Можно е токму таа форма од периодот во Шкотска да му ја отвори вратата кон нова авантура, овојпат во Германија.
Учество во игри на среќа е дозволено за лица со 18+ години. Играј одговорно!