Лука Модриќ ги игра последните натпревари за Реал. Капитенот на мадридскиот гигант ќе го напушти клубот по завршувањето на Светското клупско првенство, а потоа, според најавите и очекувањата, ќе потпише договор со Милан. Американскиот спортски магазин „Sports Illustrated“ пишува дека тој сакал да премине во МЛС и да им се приклучи на Лионел Меси, Луис Суарез, Жорди Алба, Серхио Бускетс и екипата од Интер Мајами, но притоа бил одбиен.
Како што се наведува во текстот, Интер Мајами сака уште една ѕвезда во својот тим и му беа понудени три такви. Претставниците на Лука Модриќ, Кевин Де Брујне и Нејмар контактирале со клубот за можен трансфер и сите добиле „корпа“. Де Брујне ќе игра за Наполи, а Нејмар за Сантос.
Исхрана, повреди и тренинг – совети од доктор по спортска медицина | Уште еден поткаст
Модриќ е легенда на Реал, најтрофејниот играч во историјата на клубот, со кој освои клубски рекордни 28 трофеи и за кој одигра 594 натпревари, но го напушта по 13 години. Во септември ќе го прослави својот 40. роденден.
Фото: Принтскрин
Учество во игри на среќа е дозволено за лица со 18+ години. Играј одговорно!