Meдиумите го „преселија“ кога Зидан се врати, а тој сега открива каква порака добил од францускиот тренер

Откако Зидан се врати во Реал медиумите во Мадрид ги истакнаа Герет Бејл и Дани Себаљос како фудбалери со најзагрозена иднина.

Тоа е така затоа што и двајцата после заминување на Зидан јавно во медиумите зборуваа дека тоа би можела да биде добра работа за нив. Меѓутоа девет месеци подоцна Зидан се врати.

Сепак, секако дека овие работи не треба се сфаќаат како „здраво за готово“ доказ за тоа е и минутажата која ја добија Бејл и Себаљос против Селта. Сега за медиумите Себаљос даде изјава во која откри што му кажал Зидан кога пристигнал во Мадрид.

„Оваа сезона не беше добра за нас и сигурно дека враќањето на Зидан е добра работа за нас. Зидан секогаш бил отворен и искрен со мене. Неодамна зборував со него и ми порача дека ги следел моите настапи оваа сезона и ми порача да продолжам да играм на исто ниво. Сите знаеме колкава е неговата важност за целиот тим. Тој им пронајде место на Навас и на Иско кои претходно беа малку оддалечени од тимот“, изјави Себаљос за шпанските медиуми.