Мареј за соработката со Ѓоковиќ: Не знам дали ќе продолжиме, мора да разговараме

Најдобриот тенисер на сите времиња – Новак Ѓоковиќ го предаде полуфиналниот меч на Австралија Опен по загубениот прв сет од Александар Зверев.

Повредата беше посилна од Новак, но сепак имаше многу позитивни работи во неговата игра на овој турнир.

Енди Мареј беше тренер на Новак во Австралија, но не е сигурно дека ќе остане.

Британецот се огласи по ова прашање…

 „Новак и јас се договоривме по турнирот да разговараме. Тоа и ќе го направиме“ истакна Мареј и додаде:

„Тешко е. Кога ќе стигнеш до оваа фаза на турнирот, чувствуваш дека си многу блиску до нешто посебно и за жал, ако телото не реагира како што би сакал, тоа е навистина лошо. Со Новак секогаш постои надеж бидејќи е одличен играч и претходно нашол излез од тешки ситуации. Меѓутоа, овој пат не беше така“.