Мареј откри што му е потребно на Ѓоковиќ за да биде најдобар спортист во историјата

Енди Мареј смета дека Новак Ѓоковиќ има шанса да стане и најдобриот спортист на сите времиња.

Мареј, кој е од неодамна тренер на Новак, истакнува дека неговиот ученик претходните сезони се етаблирал како најголем во тенисот.

„Новак во последните неколку години е цврсто запишан како најдобриот тенисер на сите времиња со рекордите кои ги постигна“, рече Мари за „Мејл“ и додаде:

„Во следните неколку години, ако може како 38, 39-годишник да освои уште Гренд слемови, да ги победи Карлос Алкарас и Јаник Синер во важни натпревари, има право да биде најдобриот спортист на сите времиња и тоа е возбудливо и за мене и за неговиот тим“.