Македонија вечерва ја има „генералната проба“ пред Светското првенство

Ракометарите вечерва го играат последниот натпревар пред Светското првенство во Хрватска.

Македонија во Вараждин ќе игра токму со домаќинот на Мундијалот и тоа според информациите на хрватските медиуми пред полни трибини. Вараждин арената е распродадена и се очекува ракометарите да играат пред повеќе од 5.000 навивачи.

За Македонија ова ќе биде силен тест и последен пред настапот на Мундијалот кој го стартуваме со натпреварот против Унгарија на 15 јануари.

По дуелот со Унгарците на 17 ни следи пресметка со Холандија, па потоа со Гвинеја на 19 ја завршуваме групната фаза.

Натпреварот против Хрватска вечерва го играме во 20:15 часот.