Maкедонија ќе игра две пријателски средби со домаќинот на СП

Машката македонска репрезентација ќе одигра два контролни натпревари против Египет кој ќе биде домаќин на претстојното Светското првенство.

Двата натпревари ќе се играат во Скопје на 27. и 29. декември. За жал после подолго време ние ќе пропуштиме еден голем турнир. ЕХФ ги откажа европските баражи и ние не добивме шанса да се бориме за место на СП каде што ќе играат најдобрите 14 селекции од последното Европско Првенства. На тоа ЕП ние завршивме како 15. селекција.

Ќе потсетиме дека ИХФ ја одреди Македонија за прва резерва на Светското првенство во Египет и ако некоја репрезентација од некоја причина не настапи ние ќе влеземе на турнирот како замена.