Луис Енрике со сарказам на крајот на прес-конференцијата. Аплаудираше на новинарите

Пaри Сен Жермен одигра феноменален натпревар во вторникот, каде што славеше против Баерн Минхен со 5:4 на сопствениот стадион во полуфиналето од Лигата на шампионите. Реваншот е закажан за среда во 21 часот. Но, меѓу тие два спектакли, тимот на ПСЖ има малку помалку атрактивен натпревар во францускиот шампионат.

Во сабота во 17 часот на домашен терен ги пречекуваат Лориен во 31-то коло од францускиот шампионат. Тренерот на парижаните, Луис Енрике, одржа прес-конференција пред натпреварот со Лориен, но ја напушти разочаран. На крајот им аплаудираше на новинарите поради фактот дека ниту едно прашање не беше поврзано со Лориен. Сите прашања беа фокусирани на Баерн и Лигата на шампионите.

При напуштањето на прес-салата, Луис Енрике со сарказам посочи дека немаше прашања за Лориен, противникот кој ќе биде наспроти ПСЖ во саботата (17 часот) на Парк де Пренс, во рамките на 32-то коло на Лига 1.
➡️ https://t.co/TN8gxAf5D5 pic.twitter.com/xPY1aLFP8b

— L’Équipe (@lequipe) May 1, 2026

ПСЖ е актуелен шампион четири години по ред, а многу е веројатно дека ќе го освои и оваа година. Имаат шест бодови предност пред второпласираниот Ленс, а до крајот им остануваат уште четири натпревари.