Во Боливија се одигра натпревар кој долго ќе биде запаметен и споделуван на социјалните мрежи. На влажната теренска површина во Санта Круз, тимовите Блуминг и Боливар се соочија во меч кој е речиси неможно да се опише во неколку реченици. Гостите славеа со 1:2, но конечниот резултат тешко може да ги долови сите настани на теренот. Првото полувреме беше исполнето со прекини и казни.
Во 15. минута Боливар имаше можност да води, но Кутеруцио промаши пенал. Блуминг ја искористи приликата и во 33. минута преку Етчебарне поведе со 1:0. Потоа следуваа исклучувања. Во 39. минута судијата покажа три црвени картона, еден за играч на Блуминг и два за Боливар.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Пет минути подоцна беа доделени уште два црвени картона, по еден за секој тим. На паузата Блуминг имаше девет играчи наспроти осум на Боливар. Според снимките, сѐ започнало со туркање во шеснаесетникот на домаќините.
Боливар израмни во 52. минута, а само две минути подоцна Блуминг доби ново исклучување, шесто на натпреварот. Во 60. минута, Дуран исто така беше исклучен и Блуминг остана со минималниот дозволен број играчи – седум. Боливар во 92. минута со осум играчи постигна гол за победа од 1:2.
Според правилата на ФИФА, кои ги пренесоа медиумите, натпреварот може да биде прекинат ако еден тим добие пет црвени картони. Блуминг веќе беше на работ од ова правило.
Учество во игри на среќа е дозволено за лица со 18+ години. Играј одговорно!